قرقيعان ..

بسم الله الرحمن الرحيم و له الحمد
الللهم صل على محمد و آل محمد و عجل فرجهم وإلعن أعداهم

في البداية نبارك لمقام صاحب العصر و الزمان – عجل الله تعالى فرجه الشريف – و للمراجع الأعلام لاسيما سيدي الامام السيد صادق الشيرازي – دام ظله - و للأمة السلامية جمعاء و لشباب الرضوان خاصة .. ذكرى ميلاد كريم أهل البيت الإمام الحسن المجتبى - عليه السلام - سائلاً المولى العلي القدير أن يسعد قلوب المؤمنين و يكمل عقولهم بحق السبط شيد شباب أهل الجنة وأن يجمعنا قريباً عند مرقده الطاهر ..

سؤال صار في بالي أمس :

- اذا انا اوزع قرقيعان بنية مولد الإمام الحسن عليه السلام فهل ينطبق علي مصداق الآية الكريمة
(( و من يعظم شعائر الله فإنها من تقوى القلوب )) ؟؟

ـــــــــــــــــــــــــــــ

ختـــــــــــــــــــــــــــام

و لله الحمد و المنه اقيم حفل الختام لمدرسة القرآن الكريم لهذه السنة و في هالمناسبة أحببت أن اشكر الطلبة على حضورهم و أولياء الأمور على ثقتهم و الكادر على عمله ، و إن كان الحفل في غير مستوى الطموح سواء من ناحية عدد الحضور أو إعداد البرنامج و لكن الحمد لله على كل حال و بالمناسبة إكتشفت شغلتين في شبابنا وحدة زينة و الثانية شينة ..

الأولى أن الشباب شغله لازم حار بحار على يصير تمام

الثانية أن مهما عطينا الشباب فترة عمل طويلة لازم يشتغلون بآخر 3 أيام بس ..

يارب بحق هالشهر الفضيل غير هالعادة البايخة عندنا ..


ـــــــــــــــــــــــــــ

أول يوم

أمس الأحد كان اليوم الأول ليوسف و زهراء في الروضة ..
طبعاً مثل ما احنا سوينا ايام طفولتنا اهم يسوون نفس الشي لازم في ليلتها نتسبح و ناكل توست و جبن و ننام مبجر طبعاً لازم نزهب اللبس و نحطة بالصالة – مادري ليش بالصالة – و الصبح في البيت نشاط و حيوية و بس وصلنا عند باب المدرسة بدت الدموع تنهمر السيل الجارف ... بس ماخذتني الرأفة و خليتهم يداومون لى الهدة ...

على فكرة يوسف يبي يصير لمن يكبر سايق طيارة – قولها عدل اول –
و ز هراء تبي تصير طبيبة علشان تسوي عملية – حق شنو و منو مادري –
إدعوا أن الله يوفقهم و يصيرون أحسن من أبوهم ...

ــــــــــــــــــــــــــ

مدونات

الى أصحاب المدونات في الكويت .. إبذمتكم ماكو شي بالكويت عاجبكم !!
حكومة مو عاجبتكم ... مجلس مو عاجبكم ... شعب مو عاجبكم ...
شنو الحل علشان الكويت تصير حلوة بعيونكم ..
تكفه ابي جواب ..

ــــــــــــــــــــــــــ

وين رايح ؟

رئيس مجلس الوزراء الموقر الشيخ ناصر المحمد الصباح بيروح امريكا و يقعد و يجتمع مع بوش ؟!
ابذمتك يا شيخ ناصر اشتبي فيه كلها شهرين و يقضب الباب و راح ايي غيره ...
شيخ ناصر لاتعطيه اكثر من حجمه و خله يولي كافي مصايب من تحت راسه ...

ـــــــــــــــــــــــــ

سلاااااااااااااااااااااام